• الرئيسية
• اخبار الاقباط
• اخبار عاجلة
• قضايا ساخنة
• اخبار مصر
• اخبار عالمية
• مسيحيات
• اخبار الحوادث
• ترفيه وتسلية
• منوعات
• الاسرة والصحة
• يسوع المسيح
• ارسل خبر

بالفيديو .. إبراهيم عيسى : لايوجد في الاسلام مايسمى بالحجاب والمقصود به دورة المياه او الحاجز اثناء قضاء الحاجة

04 اغسطس 2012

واصل ابراهيم عيسي فتواه الدينية وشطحاته العقلية، مؤكدا ان الحجاب او غطاء الشعر ليس من الإسلام،
وذلك في الحلقة الجديدة من برنامج "ابراهيم والناس" التي عرضتها قناة القاهرة والناس واكد علي ان الحجاب هو الحاجز وعند البحث عن معني الحجاب لن تجد كلمه تحجبت او المحجبه وهو ما يعني انها مفردات احنا كدعاة وعلماء وفقهاء عملناها وبعد مئات السنين من المشهد الاسلامي الاول انما كلمه المرأة المسلمه المحجبة لم تكن موجودة بهذا المعني ولا من ايام الاقدمين.

واكد ابراهيم ان الاسلام بني علي خمس شهادة ان لا اله الا الله واقامه الصلاه واتاء الزكاه وصوم رمضان وحج البيت .. "يعني ركن سادس طلع بالحجاب تاني ولا انا غلطان"؟!! .

وانتقد جموع علماء الاسلام الذين افتوا بوجوب الحجاب وتساءل هل المسألة شكل ولا جوهر ياريت الناس؟.. "ما امرنا به الله لابد ان نلتزم به لذلك يجب ان يكون واضحا حتي نقوم به بشكل محدد، اذا من يقول بان الحجاب فرض اقول له لا يوجد نص في القرآن يقول ذلك".

واوضح ان سبب نزول الايتين الخاصتين بالحجاب هي واقعة خاصة بسيدنا عمر وقال نصا" فسبب نزول ما عرف بالحجاب هو دوره المياه فكل انسان يروح الحمام ازاي وسبب نزول الايه ان سيدنا عمر كان يمضي بالليل في صحراء المدينه حيث يذهب الناس لقضاء حاجتهم وكان العرب المسلمين يخرجوا لقضاء حاجاتهم في مكان متطرف من المدينه طب ولو حد مزنوق يعمل ايه انا بصراحه ملقتش في كتب التاريخ حاجه اقولكم عليها فاللي يلاقي يبقي يقولي" .
وواصل قائلا "الواقع انهم كانوا يخرجوا بالليل الصحابه وزوجاتهم وكل الناس اللي في المدينه عشان يعملو بببي بره، وكان في ناس بيرحوا يتلصصوا ويتجسسوا ويعكسوا ويرموا بلاهم .سيدنا عمر اخذته الحماسه لان الامور فاصله ويبدو انها طلع يشوف المشهد وهو خارج لاقي زوجه الرسول السيده سوده قالها انا عرفتك وراح يقول للنبي انه ماينفعش تخرج زوجاته ويعرفهم البعض ويؤذيهم فلابد من موقف مؤيد فنزلت الاية يدنين عليهن من جلابيبهن".

و ان الحجاب بهذا الشكل جاء من السعوديه وفاكره ان ده الزي الاسلامي يعني في سنه 74 الشكل السعودي للإسلام، وفي التسعينات ظهرت الموجه التانية وهي النقاب والموجه التالته هاتكون سنه 2020 الستات هتقعد في البيت ومتظهرش ومتنزلش لا تشتغل ولا اختلاط ولا حاجه ابدا.

واشار الي ان نسبه 80% من ستات مصر محجبين والحجاب دلوقتي اصبح الزي الشعبي حيث انك لما تقرا في الجورنال واحده قتلت جوزها هي وعشيقها بتكون محجبه ولا مش محجبه الغالب انها بتكون محجبه وفي المناطق العشوائيه غالبا ما يحدث ذلك وكلهن محجبات.فالموضوع مش زي ده لكن الاسلاميين عايزين ينشروا المنظر ده عشان يبقوا اغلبيه وبقي علامة مميزة ومسيطرة.

جميع الحقوق محفوظة لموقع الاقباط اليوم © 2011 - 2013