روت منال كمال راغب هارون، والدة الطفلة المختفية بحلوان، ساندى عصام جرجس شحاتة، تفاصيل اختطاف نجلتها ذات الـ16 عاما، قائلة:" ساندى خرجت يوم ، علشان تجيب لبس العيد، فى شارع حيدر، وهى مشيت من شارع عبد الرحمن، باتصل بساندى لقيت تليفونها
مقفول، قولت أتصل بخالتها، اتصل بيها محدش بيرد، لغاية لما لقيت خالتها بتكلمنى فى التليفون، وقالتلى فى أيه؟.. قولتلها ساندى عندك قالتلى لاء.. قولتلها أزاى هى راحتلك زى ما أنتو متفقين الساعة 4 ونصف، علشان تروحوا تجيب لبس العيد، قالتلى لاء ماجتش".
وتابعت والدة ساندى:" منذ تلك اللحظة، وأنا أعيش فى نار.. منذ 19 أبريل، أكثر من 12 يوم حتى آلان، وساندى مرجعتش لغاية دلوقتى، ساندى والدها متوفى من 7 سنين".. وصمتت للحظات ثم أكملت وعينها تفيض من الدموع:" كل يوم كانت بتكبر فيه ساندى كانت فرحتى بتكبر فيها، هى أول بنت ليا، من ساعتها وأنا مش عارف أوصلها".
واستكملت وهى تبكى": أنا عملت محضر فى القسم، وبلغت الدنيا كلها مش عارفة فين، أنا هموت عليهان نفسى أشوف بنتى، نفسى أعرف عنها أى حاجة بتاكل بتشرب، أعرف بيتعمل فيها أيه".. أرجوكم أنا بناشد الرئيس عبد الفتاح السيسى اللى انتخبناه،أنه هو يراعينا".
واستطردت وهى تناشد الرئيس السيسى:"أرجوك شوف بنتى فين، هموت عليها نفسى أعرف بنتى فين،بقالى 12 يوم معرفش عنها حاجة".. وتابعت:" أرجوكم اللى يعرف معنى الأمومة، ويحس أنى أم يساعدنى".
واختتمت الأم قائلة:" يارب عايزة بنتى...يارب عايزة بنتى" .
تعود تفاصيل الواقعة عندما تقدم وديع راغب هارون موسى، جد الفتاة من والدتها، ببلاغ إلى قسم شرطة حلوان، قرر فيه أن حفيدته خرجت من منزلها بشارع رستم بحلوان متوجه إلى
منزل خالتها بشارع حيدر لاصطحابها لشراء ملابس جديدة بمناسبة اقتراب موعد عيد القيامة، ولكنها اختفت فجأة ولم يعلم أحد أين ذهبت، وعند سئوال خالتها قررت أنها لم تأتى
إليها ولم تراها، مؤكدًا أن احتفاء حفيدته يشوبه الغموض، حيث أن الفتاة كان معها مبلغ مالى كبير كانت سوف تشترى به الملابس، مطالبًا بسرعة البحث عنها، خشية من تعرضها لحادث إجرامى.
فيما سادات حالة من الجدل بين زملائها، مؤكدين أنها فتاة طيبة ولم يكن لها أى خصوم، ولم تتدخل فى أى مشكلات مع أحد، مما يثير الغموض حول اختفائها وانقطاع أخبارها دون أن يعلم أحد مصيرها، حيث دشنوا حملة للبحث عنها، مطالبين من يستطيع التعرف عليها من إبلاغ أهلها عبر أرقام الهواتف التالية:"01221223601"ـ "01222891689"ـ "01157336774".
